Una cultura viva è per tutti / Pascale Simoni

« Durante tutta sta mandatura, avemu circatu di turnà à dà un avviu novu à e nostre feste tradiziunale, ch’ella sia a festa patrunale di a San Michele o quella di a San Ghjuvà. D’altronde, cù listessa brama d’addunisce a ghjente ingiru à a leia culturale o spurtiva, sò stati parechji l’evenimenti à prò di l’animazione paisana. Ma aldilà di ciò ch’ellu s’hè fattu sin’à oghje, u nostru scopu in u duminiu serà di mette in opera u schema di sviluppu culturale. Cusì prupuneremu à cortu andà una visione territuriale di a cultura, una cultura viva è per tutti. »